SULI NASCENTI
Siddu nascissi arreri ‘nta stu munnu
attravissarsi muntagni e vaddi
lu mari lu scrutassi palmu palmu
pi rincuntrari a tia suli nascenti.
Sti dù stiddi ca teni ‘nta sta frunti
a li mè occhi parinu brillanti
li biddizzi tò ca sunnu tanti
‘lluminanu lu mè cori eternamenti.
Sugnu sireno e ‘un haiu confusa menti
a nuddu haju prumisu mari e munti
pirchì prumissi ‘un nni fazzu tanti.
‘Un sugnu pazzu né livatu di vinu
ma ricchizzi d’amuri ‘nn’haiu tanti
tutti pi tia senza scagghi pi nuddu..
CAMPARI UN SECULU
Quantu genti ca passa di sta strata
a lu nasciri sulu ‘na vuciata
a lu cuddari ‘un cchiù signu di vita
comu siddu ‘un fussi mai esistuta.
Currennu o caminannu senza prescia
lu tempu passa e scurri la vita
facennu li cunti a fini jurnata
‘nta sta terra facemu tutti ‘na passiata.
A la cuddata di sta futtuta vita
di li parenti sulu ‘na chianciuta
pi sgarru scappata all’ultima battuta.
Campari ‘un’annu, un seculu o ‘na jurnata
‘un cancia nenti pi dd’armuza scarugnata
si nni parra tri ghiorna e po’!... vucca cusuta.
LUNTANU
Luntanu si’
quannu allongu lu passu e ‘un t’agghicu.
Luntanu si’
quannu allongu la manu e ‘un ti toccu
Luntanu si’
quannu ti strinciu ‘nta li vrazza e ‘un mi penzi.
Luntanu si’
quannu rispiru a lu to’ latu
e lu mè ciatu ‘un t’accarizza.
Si’ chiù luntanu di ‘na stidda
quannu t’abbrazzu cu tuttu lu cori
e lu tò cori è mortu.
STIDDI
Stidduzzi ca la notti m’abbagghiati
scinniti di lu celu e v’assittati
‘nfacci di mia e poi mi cuntati
‘nzocch’è ca lu jornu vui faciti.
La notti ca lucenti siti
lu celu lu faciti arraccamatu
comu li tili di li fimmineddi ziti.
Lu jornu chi fa vi scrupuliati?
Taliannu ‘n celu sunnaturi e pueti
stannu a fantasticari cu li musi
mentri li ziti suspiranu abbrazzati.
Lu jornu d’unn’è ca va passati.
Vurrissi ca p’amuri e alligria
puru lu jornu stari ‘n vostra cumpagnia.
Ora ca la pruvenna abbunna
la vicchiaia m’accosta
e mi cci scugnu.
Chistu è lu tempu ca cu la vicchiaia
jucamu ammucciareddu
prima ca idda mi vidi iu scappu e coddu.
Ancora ‘un mi pirsuadu
ca siddu vogghiu campari assai
‘un pozzu jucari a longu.
Siddu a la vicchiai mi ‘ncugnu
pozzo campari centanni
e qualchi jornu
L’ESPERIENZA
All’amicu cchiù fidatu
cci detti ‘nzoccu avia
a chiddu ca vinni doppu
‘un avennu ‘nzoccu daricci
cci detti l’arma mia.
Di tuttu mi spugghiai
e ‘un haiu persu nenti
l’amicu pi ‘nteressi
‘un vali mancu un sordu.
Ora sugnu cchiù riccu
di chiddu ca tinia
riccu d’esperienza
ca ora fici mia.
IL TRENO DELLA VITA
Sento, un dolce suono
è il bene che mi chiama
sei frutto di mia figlia
e mi appartieni.
Cos’è che attrae
noi due così lontani
tu appena nata
ed io non più bambino.
Gioisco sempre
della tua splendida bellezza.
Pace a me non dà
quel triste pensiero
che un dì, noi separerà.
Vorrei, che la nostra vita
fosse un lungo treno
che fa, piccole soste
durante il suo cammino.
Ma, al sulriscaldar delle rotaie
alla mia età, non resisterei
il separar di te
pur dovrà avvenire
Su!.. Svolazza !... Corri !...
spalanca le finestre della vita
la mia finestra è ormai socchiusa
quando correvo io
a te non aspettavo.
PORTU LI ME’ SITTANTA
‘Un haiu cchiù vint’anni
d’allura nni passaru tanti e tanti
portu li mè sittanta senza affanni
di la vicchiaia sulu picca cenni.
Cu l’occhi mè spissu m’addugnu
ca quannu s’avvicina mi cci scugnu
sta brutta carogna luntanu la tegnu
d’accussì cchiù picciottu mi sentu.
Ora cchiù di prima sugnu ‘nforma
ancora vaju avanti senza sustegnu
ringraziu Diu di sta bona forma
Siddu la vicchiaia mi sta a li carcagni
taliu avanti e ‘un cci dugnu cuntu
‘n-finu ca si trova nautru clienti.
LU BABALUCI
Chiovi.
M’affacciu davanti la porta
a cu trovu ? Un grossu babaluci.
Cu ‘nvidia lu taliu
ca si trascina tuttu pi d’appressu
e ‘un havi a cuntrastari
nè cu lu cunduminiu
nè cu lu patruni di casa.
Subitu la menti
assòcia lu pinzeri a mè cumpari
quannu turnò cchiù pristuliddu di travagghiari
e truvò a sò muggheri
‘nzemmula all’amicu familiari.
Ddà pi ddà persi lumi e raggiuni
e si misi a fari comu un timpurali.
Poi riflittennu dissi:
"Tu sì ca si’ mudernu caru babaluci
quannu li corna eranu briogna
tu li svintuliavi comu dù banneri.
Ora puru l’omu s’è mudirnizzatu.
Li stissi corna ca ‘na vota
copunavanu l’omu di briogna
oggi ‘un portanu cchiù lu stissu pisu.
Lu babaluci (La lumaca)
Palermo, 27 febbraio 2005 -Libreria, presentazione della prima silloge di Poesie
"Pinzeri 'nta la carta". L'autore firma le copie in omaggio agli intervenuti.
"Pinzeri 'nta la carta". L'autore firma le copie in omaggio agli intervenuti.
Motta Camastra, 3 gennaio 2006 - Da sinistra il dott. Angelo Manitta (Presidente del Premio),
il poeta Giovanni Mannino che riceve il primo premio assoluto e il dott. Giuseppe Bagnasco (Presidente del Circolo Culturale "Giacomo Giardina") 3° classificato.
Premio Internazionale di Poesia "Città di Marine
anno 2006 - Giovanni Mannino - 2° classificato.
LU SUNNUZZU
Spissu ti tegnu ‘nta sti vrazza
cu tantu amuri ti taliu l’ucchiuzzi
quannu cu li pugnidda ti li strichi tutti
t’accostu a lu mè pettu
ti cantu la ninna nanna
e t’addummisci.
Pigghiannu sonnu fai un gran suspiru
signali ca tu dormi ‘n sonnu chinu
rallentu araciu araciu d’annacari
taliannuti ‘nfacci e di prufilu.
Mi pari d’aviri addummisciutu lu Bamminu.
Sonnu di purci è chiddu ca facisti
‘na menzuredda e pò t’arrusbigghiasti
talìasti ‘nffacci a cui t’addummisciu
rassirinata vidennu ca eru iu..
Spissu ti tegnu ‘nta sti vrazza
cu tantu amuri ti taliu l’ucchiuzzi
quannu cu li pugnidda ti li strichi tutti
t’accostu a lu mè pettu
ti cantu la ninna nanna
e t’addummisci.
Pigghiannu sonnu fai un gran suspiru
signali ca tu dormi ‘n sonnu chinu
rallentu araciu araciu d’annacari
taliannuti ‘nfacci e di prufilu.
Mi pari d’aviri addummisciutu lu Bamminu.
Sonnu di purci è chiddu ca facisti
‘na menzuredda e pò t’arrusbigghiasti
talìasti ‘nffacci a cui t’addummisciu
rassirinata vidennu ca eru iu..
ASPETTU
‘Nta lu passatu
ca mi sintia patruni di lu munnu
curria notti e gghiornu
senza canusciri risettu.
Ora ca lu suli è a lu tramuntu
assittatu ‘nta ‘na seggia scancarata
aspettu ‘nta sta gnuni
masticannu pinzeri accatastati.
Ogni tantu dugnu ‘na pidata
ma ‘un m’alluntanu
pi lu scantu
ca passa la mmaliditta sorti
e ‘un mi trova.
Mentri lu tempu
quannu pari ca sta fermu
araciu araciu curri
iu NO!
Iu aspettu.
Trovu cunsolu nna lu pinzari
ca ‘un sugnu sulu ad aspittari.
Mentri iu aspettu
ca la mmaliditta sorti mi tira li pedi
autri aspettanu pi tirarisi li beni.
‘Nta lu passatu
ca mi sintia patruni di lu munnu
curria notti e gghiornu
senza canusciri risettu.
Ora ca lu suli è a lu tramuntu
assittatu ‘nta ‘na seggia scancarata
aspettu ‘nta sta gnuni
masticannu pinzeri accatastati.
Ogni tantu dugnu ‘na pidata
ma ‘un m’alluntanu
pi lu scantu
ca passa la mmaliditta sorti
e ‘un mi trova.
Mentri lu tempu
quannu pari ca sta fermu
araciu araciu curri
iu NO!
Iu aspettu.
Trovu cunsolu nna lu pinzari
ca ‘un sugnu sulu ad aspittari.
Mentri iu aspettu
ca la mmaliditta sorti mi tira li pedi
autri aspettanu pi tirarisi li beni.
AMICI….SCANUSCIUTI
Quantu amici ca mi vennu ‘ncontru
mi fannu qualche ‘nchinu
mi strincinu la manu
e qualche vasatedda mi la dunanu.
Qualcunu lu canusciu
avutri mi pari d’avirli appena vistu.
Iddi si prisentanu:
“Sugnu Tiziu e Caiu
mi portu ‘nta stu partitu gaju
un vuticeddu ti vogghiu dumannari
pi sinnacu, assissuri, diputatu o sinaturi”.
‘Nta ddu mumentu
fazzu un gran pinzari:
e ‘ntra mia e mia dicu:
“Comu fussi bellu
‘ncuntrari sti pirsuni la matina
visti di vicinu o puru di luntanu
fari un cennu di salutu
puru cu la manu”.
Sta gintilizza
‘un s’havi aviri sulu pi li lizioni
scurdannusi pi lu restu di l’annu
la facci e puru lu nomu.
Quantu amici ca mi vennu ‘ncontru
mi fannu qualche ‘nchinu
mi strincinu la manu
e qualche vasatedda mi la dunanu.
Qualcunu lu canusciu
avutri mi pari d’avirli appena vistu.
Iddi si prisentanu:
“Sugnu Tiziu e Caiu
mi portu ‘nta stu partitu gaju
un vuticeddu ti vogghiu dumannari
pi sinnacu, assissuri, diputatu o sinaturi”.
‘Nta ddu mumentu
fazzu un gran pinzari:
e ‘ntra mia e mia dicu:
“Comu fussi bellu
‘ncuntrari sti pirsuni la matina
visti di vicinu o puru di luntanu
fari un cennu di salutu
puru cu la manu”.
Sta gintilizza
‘un s’havi aviri sulu pi li lizioni
scurdannusi pi lu restu di l’annu
la facci e puru lu nomu.
NOTTE D’ESTATE
Afosa scorre la notte
occhi socchiusi
petto scoperto
supino riposo sul letto.
Una zanzara
ronza all’orecchio
scrollo la testa
si sposta
mi punge sul petto.
Accendo la luce
già ronza al soffitto.
Le tiro un cuscino
Ritorna, mi sfida.
Le tiro una scarpa
sbaglio la mira
che botta!.. che schianto!...
Ho rotto lo specchio.
Mi armo d’un pezzo di straccio
con gli occhi sbarrati, l’aspetto.
Non odo respiro
silenzio perfetto
è sparito nell’aria
quel piccolo insetto.
Mi guardo ad un pezzo di specchio
sorrido, rifletto:
“che danno che ho fatto
era solo un invisibile insetto”.
Se ti prendo!
Ti strozzo, ti smonto, ti schiaccio.
SE…TI… PRENDO!...
ANCILU
A ‘n’ancilu
ca vitti di sgarrubbu
cci vosi dumannari:
“Unn’è l’autru munnu ? ”.
Iddu m’arrispunniu :
“ E’ ccà !”
Quannu sta vita
ti vota li spaddi
ti cci trovi ‘n-funnu.
VINA DI PUITARI
La vina di puitari
mi vinni a tarda ura
quannu già la menti
‘un riggìa cchiù curuna
Li versi ca mi vennu
scriviri l’haju allura
prima ca la menti
di bottu l’abbannuna.
Pi lu pueta …
ca ‘un havi pinna ‘n manu
cci voli un ciriveddu
quantu un cantaranu.
Vi portu un paraguni:
“Lu sceccu
ca di ciriveddu abbunna
l’aviti mai vistu
cu la pinna ‘n manu” ?
PINZANNU PINZANNU
Pinzannu pinzannu
mi vini ‘n menti
ca era megghiu
quannu mi liccavu la sarda
ca eru senza sola e cchiù firrignu.
Ora ca la pruvenna abbunna
la vicchiaia m’accosta
e mi cci scugnu.
Chistu è lu tempu
ca cu la vicchiaia
jucamu ammucciareddu
prima ca idda mi vidi
iu scappu e coddu.
Ancora ‘un mi pirsuadu
ca siddu vogghiu campari assai
‘un pozzu jucari a longu.
Siddu a la vicchiaia mi ‘ncugnu
pozzu campari cent’anni
e qualchi ghiornu.
A CIMIDDA
Ogni vota ca vaju a lu Campusantu
taliu ddì cipressi dritti comu li cannili.
‘Nta ogni cimidda ca si catamina
viu l’armuzza ca era a mia vicina.
L’armuzza di ‘n amicu
di qualchi vicinatu
o parenti strittu
ca stava a lu me’ latu.
Taliannu bonu ‘nta tutti d’arbuliddi
l’occhi mi vannu ‘nta ‘na cimidda ‘nfunnu.
Cu lu muvimentu ca idda sta facennu
pari ca mi vuli salutari
iu ‘un rispunnu
cridennu ca sia lu ventu
a cataminari ddà cimidda.
Pinzannu ddà ramuzza d’accussì fistanti
ritornu a casa quasi cuntentu.
Riflettu e dicu :
“Chi paradisu ca cc’è ‘nta d‘arbuliddi
vurrissi scunfinari ogni tantu
pi stari ddà ‘ncumpagnia di nenti”.
Ogni vota ca vaju a lu Campusantu
taliu ddì cipressi dritti comu li cannili.
‘Nta ogni cimidda ca si catamina
viu l’armuzza ca era a mia vicina.
L’armuzza di ‘n amicu
di qualchi vicinatu
o parenti strittu
ca stava a lu me’ latu.
Taliannu bonu ‘nta tutti d’arbuliddi
l’occhi mi vannu ‘nta ‘na cimidda ‘nfunnu.
Cu lu muvimentu ca idda sta facennu
pari ca mi vuli salutari
iu ‘un rispunnu
cridennu ca sia lu ventu
a cataminari ddà cimidda.
Pinzannu ddà ramuzza d’accussì fistanti
ritornu a casa quasi cuntentu.
Riflettu e dicu :
“Chi paradisu ca cc’è ‘nta d‘arbuliddi
vurrissi scunfinari ogni tantu
pi stari ddà ‘ncumpagnia di nenti”.
LU PATTU
Siddu nascissi arreri ‘nta stu munnu
un pattu avissi a fari cu lu Patri Eternu
campari picca ma campari cuntentu
campari riccu e senza tribuliari.
Ddu picca c’avissi a stari ‘nta sta terra
mi l’avissi a passari qualchi piacireddu
pi stari a la pari cu l’autri murtali.
Rimittennu peri all’autru munnu
putissi diri : “Murivi cuntentu”.
Vulennucci pinzari
campari filici o campari scuntentu
nuddu voli jri all’autru munnu.
Pi ora mi godu chiddu
ca passa lu Patri Eternu
ca pi l’autru munnu
stu pattu sugnu ‘n tempu a fari.
Siddu nascissi arreri ‘nta stu munnu
un pattu avissi a fari cu lu Patri Eternu
campari picca ma campari cuntentu
campari riccu e senza tribuliari.
Ddu picca c’avissi a stari ‘nta sta terra
mi l’avissi a passari qualchi piacireddu
pi stari a la pari cu l’autri murtali.
Rimittennu peri all’autru munnu
putissi diri : “Murivi cuntentu”.
Vulennucci pinzari
campari filici o campari scuntentu
nuddu voli jri all’autru munnu.
Pi ora mi godu chiddu
ca passa lu Patri Eternu
ca pi l’autru munnu
stu pattu sugnu ‘n tempu a fari.
SE LE STELLE
Se le stelle del firmamento
brillassero come i tuoi occhi
la terra sarebbe illuminata
anche di notte.
Se tu correresti
per sconfinati orizzonti
ti correrei dietro
per non lasciarti mai.
Se il mondo sorridesse
con il tuo dolce sorriso
l’odio sarebbe sconfitto.
Se il tuo cuore si stancasse
del mio volerti bene
ancor più follemente ti amerei.
La poesia è stata tradotta in dialetto siciliano e musicata dal tastierista
Maestro Fanico ed è cantata da Paola Di Lorenzo e Fabio Nicosia.
SENZA SPIRANZA
…Sì! E’ comu dici tu fratuzzu miu
lu munnu gira sì ma contru senzu
all’omu l’arridduci comu sanza
lu spremi e misu puru a lu straventu
l’assicca senza daricci spiranza
di turnari nautra vota ‘nta casedda.
A tuttu chistu nuddu cci penza
e ‘ntempu ca l’omu s’arrisetta
‘un s’adduna ca la lenza tira.
Jennu all’autru munnu
chi cci accanza?
sulu ‘na bona o ‘na malacrianza.
La vita è vita e sì va rispittata.
Pirchì lu munnu ‘un gira pi l’autru versu?
Siddu l’omu campassi triccent’anni
allura sì ca reggiri la cannila ci fussi gustu.
…Sì! E’ comu dici tu fratuzzu miu
lu munnu gira sì ma contru senzu
all’omu l’arridduci comu sanza
lu spremi e misu puru a lu straventu
l’assicca senza daricci spiranza
di turnari nautra vota ‘nta casedda.
A tuttu chistu nuddu cci penza
e ‘ntempu ca l’omu s’arrisetta
‘un s’adduna ca la lenza tira.
Jennu all’autru munnu
chi cci accanza?
sulu ‘na bona o ‘na malacrianza.
La vita è vita e sì va rispittata.
Pirchì lu munnu ‘un gira pi l’autru versu?
Siddu l’omu campassi triccent’anni
allura sì ca reggiri la cannila ci fussi gustu.
RINGRAZIU DIU
Lentu scinni e splenni
lu suli a lu tramuntu
tincennu russu curaddu l’orizzunti.
Mentri lu ventu fa un pinnicuni
aracio araciu scini lu sirenu.
Darreri la muntagna
la luna quasi china
si spiccia a spuntari
pi cancillari la russia sulari
e tinciri d’argentu terra e mari.
L’aceddi di qualsiasi culuri
cercanu riparu
puru sutta li pampini di limiuna
ca mittennu la testa sutta l’ali
sonnanu d’aviri vita puru dumani.
Mentri la notti curri
e lu jornu prestu veni
ringraziu Diu
ca puru oggi sugnu pedi pedi.
Lentu scinni e splenni
lu suli a lu tramuntu
tincennu russu curaddu l’orizzunti.
Mentri lu ventu fa un pinnicuni
aracio araciu scini lu sirenu.
Darreri la muntagna
la luna quasi china
si spiccia a spuntari
pi cancillari la russia sulari
e tinciri d’argentu terra e mari.
L’aceddi di qualsiasi culuri
cercanu riparu
puru sutta li pampini di limiuna
ca mittennu la testa sutta l’ali
sonnanu d’aviri vita puru dumani.
Mentri la notti curri
e lu jornu prestu veni
ringraziu Diu
ca puru oggi sugnu pedi pedi.
PINZERI ‘NTA LA CARTA
Cogghi lu sintimentu
ca firria ‘nta la menti
finu ca trova ‘na fissura
dunni veni fora lu pinzari.
Di sta fissura
svulazzanu li pinzeri
cumpunenti
circannu di scappari.
Lu pueta, etta la lenza
e appena ‘mpinti
li tira araciu, araciu
pi nun li fari sfardari.
Pigghiati a stentu
cu lu cori e sintimentu
li stenni ‘nta la carta
facennuli asciucari.
Li stira chianu, chianu
finu ca lu pueta senti
li paroli, li versi
e la musicalità luntanu.
Li culura
cu paruleddi duci
ca fannu ‘ncantari
e siddu è saputa dari
un pocu d’irunia
‘nta lu finali
propriu, nun cci sta mali.
Cogghi lu sintimentu
ca firria ‘nta la menti
finu ca trova ‘na fissura
dunni veni fora lu pinzari.
Di sta fissura
svulazzanu li pinzeri
cumpunenti
circannu di scappari.
Lu pueta, etta la lenza
e appena ‘mpinti
li tira araciu, araciu
pi nun li fari sfardari.
Pigghiati a stentu
cu lu cori e sintimentu
li stenni ‘nta la carta
facennuli asciucari.
Li stira chianu, chianu
finu ca lu pueta senti
li paroli, li versi
e la musicalità luntanu.
Li culura
cu paruleddi duci
ca fannu ‘ncantari
e siddu è saputa dari
un pocu d’irunia
‘nta lu finali
propriu, nun cci sta mali.
LU CURDARU
Da qualchi tempu a sta parti
vaju ‘nnarreri ‘nnarreri comu lu curdaru.
Lu jornu curru curru e m’arripigghiu
poi m’arruzzuliu comu lu scravagghiu.
La sira quannu mi vaju a curcari pi truvari risettu
li pinzeri abbunnanu ‘nta l’occhiu di la menti
comu carteddi di filu ‘impirugghiatu.
Si ‘ncontranu e si scontranu comu du’ cati
attaccati alla strimità di la stissa corda
ca ‘nta lu puzzu fannu acchiana e scinni.
Poi comu pi ‘ncantu la currula si ferma
e grazzi a Diu cercu di pigghiari sonnu.
M’addummisciu ‘nnariu ‘nnariu
quasi comu essiri vigghianti.
Mentri li pinzeri
ca parianu arrisittati ‘nta la menti
ricumincianu a trippiari
comu cunigghia a la campìa.
Da qualchi tempu a sta parti
vaju ‘nnarreri ‘nnarreri comu lu curdaru.
Lu jornu curru curru e m’arripigghiu
poi m’arruzzuliu comu lu scravagghiu.
La sira quannu mi vaju a curcari pi truvari risettu
li pinzeri abbunnanu ‘nta l’occhiu di la menti
comu carteddi di filu ‘impirugghiatu.
Si ‘ncontranu e si scontranu comu du’ cati
attaccati alla strimità di la stissa corda
ca ‘nta lu puzzu fannu acchiana e scinni.
Poi comu pi ‘ncantu la currula si ferma
e grazzi a Diu cercu di pigghiari sonnu.
M’addummisciu ‘nnariu ‘nnariu
quasi comu essiri vigghianti.
Mentri li pinzeri
ca parianu arrisittati ‘nta la menti
ricumincianu a trippiari
comu cunigghia a la campìa.
CANTO MANCATO
Quel tiepido nido non era sereno
invano aspetto il tuo arrivo
è odio, amore o mancato rispetto!
Rifletto:
E’ giunta la fine.
In un nido sereno a te sconosciuto
con l’ali spezzatit’aspetto.
Ritorna a cantare ugola d’oro
oh piccolo raggio di sole
ritorna a scaldare il mio cuore.
Il cielo, la luna l’alba, il tramonto
non sono più vita
con le ali spezzati
gli occhi smarriti
rattoppo pensieri
aspetto il tuo arrivomio
oh piccolo fiore.
Rifletto:
E’ giunta la fine.
In un nido sereno a te sconosciuto
con l’ali spezzatit’aspetto.
Ritorna a cantare ugola d’oro
oh piccolo raggio di sole
ritorna a scaldare il mio cuore.
Il cielo, la luna l’alba, il tramonto
non sono più vita
con le ali spezzati
gli occhi smarriti
rattoppo pensieri
aspetto il tuo arrivomio
oh piccolo fiore.
GRAZZI SIGNURI
Oggi tu nascisti
e iu sugnu rinatu
a mia facisti nonnu
e cuntentu lu parinatu.
Gracci Signori
di sta niputedda ca mi dasti
da oggi Ti prumettu
di essiri menu piccaturi.
‘Na Principessa pari
di comu m’haju priatu
di tuttu stu splinnuri
ringraziu lu Criaturi.
La filicità è ‘nfinita
la niputedda mia
è tutta la mè vita.
Havi la facci di luna
di suli appena natu
biddizzi ca ‘un Ti dicu
‘un fazzu paraguni.
Ringraziu lu Signori.
Oggi tu nascisti
e iu sugnu rinatu
a mia facisti nonnu
e cuntentu lu parinatu.
Gracci Signori
di sta niputedda ca mi dasti
da oggi Ti prumettu
di essiri menu piccaturi.
‘Na Principessa pari
di comu m’haju priatu
di tuttu stu splinnuri
ringraziu lu Criaturi.
La filicità è ‘nfinita
la niputedda mia
è tutta la mè vita.
Havi la facci di luna
di suli appena natu
biddizzi ca ‘un Ti dicu
‘un fazzu paraguni.
Ringraziu lu Signori.
FRAGILE RAGGIO DI SOLE
Tu
fragile raggio di sole
riscalderai il mio cuore
per tutta la vita.
Tu
splendida luna
illuminerai i sentieri
del mio cammino.
Tu
luminosa stella
farai brillare i miei sogni
nelle notti scure.
Tu
universo d’amore
sarai l’ombra nel mio cammino
che in compagnia del silenzio
sconfineremo limpidi orizzonti.
Tu
fragile raggio di sole
riscalderai il mio cuore
per tutta la vita.
Tu
splendida luna
illuminerai i sentieri
del mio cammino.
Tu
luminosa stella
farai brillare i miei sogni
nelle notti scure.
Tu
universo d’amore
sarai l’ombra nel mio cammino
che in compagnia del silenzio
sconfineremo limpidi orizzonti.
Racalmuto, 8 luglio 2006.La statua in bronzo di
Leonardo Sciascia e Giovanni Mannino
Leonardo Sciascia e Giovanni Mannino
Giovanni Mannino e lo scultore Giovanni Varisco.
L'IRONIA IN VERSI
LU PATTU
Siddu nascissi arreri ‘nta stu munnu
un pattu avissi a fari cu lu Patri Eternu
campari picca ma campari cuntentu
campari riccu e senza tribuliari.
Ddu picca c’avissi a stari ‘nta sta terra
avissi a passarimillu qualchi piacireddu
pi stari a la pari cu l’autri murtali.
Rimittennu peri all’autru munnu
putissi diri : “Murivi cuntentu”.
Vulennucci pinzari :
“campari filici o campari scuntentu”
nuddu voli jri all’autru munnu.
Sai ‘nzoccu ti dicu !:
Mi godu chiddu
ca oggi passa lu Patri Eternu
ca pi l’autru munnu
stu pattu cu lu Signuri
sugnu ‘ntempu a fari.
PUETA JURNATERI
Quannu a lu pueta jurnateri
cci veni l’ispirazioni
s’assetta ‘nto ‘n vattali
e posa a lu sò latu lu zappuni.
Siddu ‘un havi pinna
scrivi li sò versi
puru cu ‘n pezzu di cravuni.
Lu patruni, ca si vidi la scena
pi cincu, deci, quindici minuti
lu lassa fari
ma no a ghiurnati sani !…
‘Un sennu du (misteri)
‘un sapi ca lu pueta
siddu ritarda la scrittura
perdi versi, paroli e rima.
Vistu ca la cosa è sempri cchiù cuntinua
lu patruni dici a lu jurnateri:
“Quannu veni cca a travagghiari
lassa a la to’ casa pinna e cartulari.
Stu scrittu!... ca tu chiami puisia
fallu quannu sì’ schiffaratu
‘un rumpiri li sacchetti a mia”.
Quannu a lu pueta jurnateri
cci veni l’ispirazioni
s’assetta ‘nto ‘n vattali
e posa a lu sò latu lu zappuni.
Siddu ‘un havi pinna
scrivi li sò versi
puru cu ‘n pezzu di cravuni.
Lu patruni, ca si vidi la scena
pi cincu, deci, quindici minuti
lu lassa fari
ma no a ghiurnati sani !…
‘Un sennu du (misteri)
‘un sapi ca lu pueta
siddu ritarda la scrittura
perdi versi, paroli e rima.
Vistu ca la cosa è sempri cchiù cuntinua
lu patruni dici a lu jurnateri:
“Quannu veni cca a travagghiari
lassa a la to’ casa pinna e cartulari.
Stu scrittu!... ca tu chiami puisia
fallu quannu sì’ schiffaratu
‘un rumpiri li sacchetti a mia”.
L’AMARU CASU DI ‘N’AMICU MIU
Signuri, oh Patri Onniputenti
Ti sugnu gratu ca mi dasti vita
lu corpu mu facisti degnamenti
e Ti ringraziu comu haju fattu sempri.
Ora ca la me’ vita va versu la cuddata
‘un mi lassari cu la modda ciduta
ca siddu penzu a li gran sunati
ora mi pari ‘na cosa allaccaruta.
M’hannu parratu tantu di trapiantu
ma Tu Signuri sì’ sapituri
ca ‘nta sta terra è tuttu un contrabbannu.
Spissu vegnu tintatu di st’eventu.
Pirdunami Signori ma iu mi scantu
‘un facemu ca mi mettinu la modda di me’ nannu.
Signuri, oh Patri Onniputenti
Ti sugnu gratu ca mi dasti vita
lu corpu mu facisti degnamenti
e Ti ringraziu comu haju fattu sempri.
Ora ca la me’ vita va versu la cuddata
‘un mi lassari cu la modda ciduta
ca siddu penzu a li gran sunati
ora mi pari ‘na cosa allaccaruta.
M’hannu parratu tantu di trapiantu
ma Tu Signuri sì’ sapituri
ca ‘nta sta terra è tuttu un contrabbannu.
Spissu vegnu tintatu di st’eventu.
Pirdunami Signori ma iu mi scantu
‘un facemu ca mi mettinu la modda di me’ nannu.
LU PURRETTU
Avia un purrettu
‘nta la mascidda dritta
ca ogni vota ca lu livavu
iddu sempri prontu rispuntava.
Un ghiornu mi vinni ‘nta la menti
di ricuvirarimi di prescia a lu spitali
pi farimi la plastica facciali.
Lu dutturi ca mi visitò mi dissi:
“Chistu è nenti
haju a fari lu ‘nnestu
cu la to’ stessa peddi”
ma ‘un mi dissi
d’unni avia a pigghiari
sta biniditta peddi.
‘Nta lu mumentu
ca m’avia a tagghiari
mi ‘ntisi tuccari lu darreri.
Pi stintu mi rintisi
spustannu lu darreri appena avanti.
“Statti fermu”! Mi dissi lu dutturi
“la peddi aju a pigghiari
pi lu ‘nnestu putiri fari”
Ddà pi ddà fici un gran pinzari
e ‘ntra mia e mia dissi:
“chistu mi voli ruvinari
scanciannu la me’ facci
pi lu me’ darrè
“M’havi a scusari”
cci dissi a lu dutturi:
“Facissi tuttu chiddu
ca voli fari
ma la facci di culu NO!
La facci di culu ‘un mi l’havi a fari”.
Avia un purrettu
‘nta la mascidda dritta
ca ogni vota ca lu livavu
iddu sempri prontu rispuntava.
Un ghiornu mi vinni ‘nta la menti
di ricuvirarimi di prescia a lu spitali
pi farimi la plastica facciali.
Lu dutturi ca mi visitò mi dissi:
“Chistu è nenti
haju a fari lu ‘nnestu
cu la to’ stessa peddi”
ma ‘un mi dissi
d’unni avia a pigghiari
sta biniditta peddi.
‘Nta lu mumentu
ca m’avia a tagghiari
mi ‘ntisi tuccari lu darreri.
Pi stintu mi rintisi
spustannu lu darreri appena avanti.
“Statti fermu”! Mi dissi lu dutturi
“la peddi aju a pigghiari
pi lu ‘nnestu putiri fari”
Ddà pi ddà fici un gran pinzari
e ‘ntra mia e mia dissi:
“chistu mi voli ruvinari
scanciannu la me’ facci
pi lu me’ darrè
“M’havi a scusari”
cci dissi a lu dutturi:
“Facissi tuttu chiddu
ca voli fari
ma la facci di culu NO!
La facci di culu ‘un mi l’havi a fari”.
LU ‘NNESTU
Tagghia ‘n arbuliddu
cci fai ‘na ‘ntacca virticali
cci metti un pizzuddu di lignu virdi
e lu siggilli cu la catrami.
Si chiama ‘nnestu
ca siddu è fattu rigulari
iddu frutti rari sapi fari.
Lu primu ‘nnestu lu fici lu Signuri
quannu staccò ‘na costulidda d’Adamu
‘mpastò t’anticchia di crita
cci pusò la costulidda e la misi a lu suli.
Stu ‘nnestu sulu Diu lu potti fari
fici lu fruttu pi l’omini amari.
Cu stu travagghiu la fimmina nascìu
la fici tutta curvi ‘na cosa di taliari.
Nna la primura ca lu settimu jornu
lu Signuri s’avia a ripusari
‘na cosa si scurdò a fari:
“Li pila ‘nta la lingua
pi cchiù picca parrari”.
Tagghia ‘n arbuliddu
cci fai ‘na ‘ntacca virticali
cci metti un pizzuddu di lignu virdi
e lu siggilli cu la catrami.
Si chiama ‘nnestu
ca siddu è fattu rigulari
iddu frutti rari sapi fari.
Lu primu ‘nnestu lu fici lu Signuri
quannu staccò ‘na costulidda d’Adamu
‘mpastò t’anticchia di crita
cci pusò la costulidda e la misi a lu suli.
Stu ‘nnestu sulu Diu lu potti fari
fici lu fruttu pi l’omini amari.
Cu stu travagghiu la fimmina nascìu
la fici tutta curvi ‘na cosa di taliari.
Nna la primura ca lu settimu jornu
lu Signuri s’avia a ripusari
‘na cosa si scurdò a fari:
“Li pila ‘nta la lingua
pi cchiù picca parrari”.
BRUNZI DI RIACI
‘N’amicu ca di Arti si nn ‘intenni
mi vosi purtari a vidimi li Brunzi .
Iu ca d’Arti ‘un nni capisciu nenti
essennu cu l’amicu ‘ntinnituri
fici lu viaggiu d’accussì …..
tantu pi curiusari .
Fila di genti a ‘un finiri
ca pi vidimi prima
allungavanu lu coddu
di la stessa fila.
Du’ macigni di brunzu
e poi….
‘un si vidia cchiù nenti.
Appena quai sutta
st’omini di brunzu musculusi
vitti dù pinnuzzi nichi nichi
comu fussiru arripudduti
Pinzeri jù nni fici ‘n quantitati.
Ma la dumanna ca ‘nta mia e mia
spissu mi facia era:
“ La genti veni d’ogni parti di la terra
pi vidimi dù pinni arripudduti “.
Cu sapi quantu autra genti
e di quali autru munnu
avissiru ccà vinutu
siddu l’auturi
l’avissi fattu sprupuzionati.
‘N’amicu ca di Arti si nn ‘intenni
mi vosi purtari a vidimi li Brunzi .
Iu ca d’Arti ‘un nni capisciu nenti
essennu cu l’amicu ‘ntinnituri
fici lu viaggiu d’accussì …..
tantu pi curiusari .
Fila di genti a ‘un finiri
ca pi vidimi prima
allungavanu lu coddu
di la stessa fila.
Du’ macigni di brunzu
e poi….
‘un si vidia cchiù nenti.
Appena quai sutta
st’omini di brunzu musculusi
vitti dù pinnuzzi nichi nichi
comu fussiru arripudduti
Pinzeri jù nni fici ‘n quantitati.
Ma la dumanna ca ‘nta mia e mia
spissu mi facia era:
“ La genti veni d’ogni parti di la terra
pi vidimi dù pinni arripudduti “.
Cu sapi quantu autra genti
e di quali autru munnu
avissiru ccà vinutu
siddu l’auturi
l’avissi fattu sprupuzionati.
“a Giovanni Varisco”
CUZZIANNU CUZZIANNU
Nivuri comu la pici
cu la porta a vanedda
d’unni s’affaccianu
comu principissi
vistuti russu curaddu.
‘Nzocch’è ca cci mittisti!
Cocu di gran talentu
pueta di cucina
ca cu trasi ccà
nesci cu la panza china.
‘Un è un cumplimentu
ma divina viritati
Variscu sì’ lu re
lu re di li pignati.
CUZZIANNU CUZZIANNU
Nivuri comu la pici
cu la porta a vanedda
d’unni s’affaccianu
comu principissi
vistuti russu curaddu.
‘Nzocch’è ca cci mittisti!
Cocu di gran talentu
pueta di cucina
ca cu trasi ccà
nesci cu la panza china.
‘Un è un cumplimentu
ma divina viritati
Variscu sì’ lu re
lu re di li pignati.
QUANNU ME’ NANNU
Quannu me’ nannu mi dissi
ca lu vinu si po’ fari puru cu la racina
mi vinni ‘na granni smania di cultivari la vigna.
Quantu travagghiu prima di la vinnigna!
Putari, zappari, ‘mpupari e pi furtuna
ca ‘un la pigghiò la farinedda.
Granni festa cci fu pi la ricota
canti curali e sbriu ‘n famigghia
manciannu sardi salati e murtadella.
Poi ballammu ‘nta la tina
pi scafazzari tutta la racina
purtannu lu mustu a la cantina.
Nuddu ti vattiò sucu di racina
e tastannu tastannu lu liveddu scinnia
senza addunarimi ca la vutti ‘un era cchiù china.
Mentri allitratu traballavu
facennu un passu avanti e dui nnarreri
mi vinni ‘n menti un dettu paisanu...
Allungannu lu vrazzu cu la chiavi ‘n manu dissi:
“Siddu è veru ca lu munnu gira
la me’ casa havi a passari di ccà.
Quannu me’ nannu mi dissi
ca lu vinu si po’ fari puru cu la racina
mi vinni ‘na granni smania di cultivari la vigna.
Quantu travagghiu prima di la vinnigna!
Putari, zappari, ‘mpupari e pi furtuna
ca ‘un la pigghiò la farinedda.
Granni festa cci fu pi la ricota
canti curali e sbriu ‘n famigghia
manciannu sardi salati e murtadella.
Poi ballammu ‘nta la tina
pi scafazzari tutta la racina
purtannu lu mustu a la cantina.
Nuddu ti vattiò sucu di racina
e tastannu tastannu lu liveddu scinnia
senza addunarimi ca la vutti ‘un era cchiù china.
Mentri allitratu traballavu
facennu un passu avanti e dui nnarreri
mi vinni ‘n menti un dettu paisanu...
Allungannu lu vrazzu cu la chiavi ‘n manu dissi:
“Siddu è veru ca lu munnu gira
la me’ casa havi a passari di ccà.
Nessun commento:
Posta un commento